Blog

Air FReshner Abu ce mai kamshin gaske wadda ake amfani da ita a cikin dakuna , masallatai, ko office da ma duk sauran wuraren da ake so a kawar da duk wani yanayin da zai iya gurbata iska domin ita idan aka saka ta ta sanya wurin ya zama mai kamshi sosai yadda za’a ji dadin zama sosai wannan ne dalilin da yasa ake kiranta da Abun kyautata Kamshin Iska (Air Freshner)

YA  YANAYIN FARA KASUWANCIN AIR FRESHNER YAKE ?

Tabbas fara Kasuwancin air freshner yana da matukar mahimmaci saboda yana da riba sosai kuma ana samun kudi kwarai da gaske da shi musamman idan mutum ya dage ya hada mai kamshi wadda mutane suke so, ma’ana ya samu turare mai kamshi ya sa hadi da yanayin kayan hadi masu inganci.

WADANNER MATAKAI YA KAMATA A DAUKA KAFIN FARA KASUWANCIN 

Akwai bukatar mutum ya natsu ya dauki matakai masu mahimmanci kafin ya fara hakan ne zai taimaka mashi domin ya cimma burin shi na hada kasuwanci wanda yake burin maida shi kamfani a gaba  amma yana da kyau kafin nan mutum ya natsu ya tsara abubuwqa kamar haka:

Tsarin Kasuwanci (Business Plan)

1. Sunan Kasuwanci da Rijista

• Zaɓi suna mai sauƙi da tunawa
• Ka je CAC domin yin rijistar kamfani (Idan da dama ko a bari sai gaba)
• Samu NAFDAC idan kana hada da kanka (In abu ya bunkasa)

2. Kudade da Kayan Aiki

Abubuwan da ake bukata:

1. Methanol
2. Turare
3. Ruwa
4. Sticker/labels
5. Kala in ka ga dama ba dole
6. Texaphone/sulphunic acid
7. Ethanol
8. Whitener 

Za’a yi cikakken bayaninsu a kasa

Farashi

Zaka iya farawa da ₦10,000–₦20,000 bisa yadda kayanka suke da yawan da kake son fara da shi. 

3. Tattalin Kuɗi (Cost & Profit)

• Kokarin Fahimtar yadda yawan da in kayi zaka zuba a kwalabe ka ci riba
• Sayar da kowanne a ₦1000–₦1500 ya danganta
• Ana samun riba mai yawa idan aka rarraba da kyau

Hanyoyin Tallatawa (Marketing)

1. Online Marketing

• Ƙirƙiri shafukan sada zumunta na Whattsapp, Instagram/Facebook page da sauransu

• Tallata da hotuna masu kyau da reviews daga kwastomomi

• Yi amfani da WhatsApp status da groups kana bayani da fahimtar kwastomominka

2. Kasuwar Kai Tsaye (Offline)

• Bada sample a ofisoshi, motoci, masallatai, gidaje da saurans su
• Samu dillalai ko masu shaguna su rika tallata maka suuma har a status
• Tafi da demo yayin biki, event ko kasuwa ka baza hajar ka 

Tsarin Rarrabawa (Distribution Plan)

• Samu abokan dillanci a manyan wurare (kantuna, motoci, wuraren gyaran gashi, da sauransu)

• Yi “discount” ga masu siyan yawa

• Samu kudi kafin delivery ko kuma biyan kashi-kashi

Kulawa da Inganci (Quality Control)

• Ka tabbatar da kamshin yana da ɗorewa
• Kada ka yi amfani da sinadarai masu haɗari ga lafiya
• Ka saka EXPIRY DATE da bayani a label a sticker 

BAYANI GAME DA KAYA (CHEMICALS) NA AIR FRESHNER

Wadannan kayan hadin da zan ambata kamar haka sune ake amfani a hada su wanda ga su daya bayan daya kamar haka a lissafe:-

1. Ethanol
2. Methanol
3. Turare
4. Texaphone/sulphunic acid
5. Whitener 
6. Kala in ka ga dama ba dole
7. Ruwa

• ETHANOL

Ethanol yana da matukar muhimmanci a cikin hada air freshener, musamman iri na ruwa (liquid spray), domin yana aiki a matsayin solvent wanda ke narkar da sinadaran kamar fragrance oils, yana taimakawa su gauraya da ruwa yadda ya kamata. 

Haka kuma, ethanol yana taimaka wa kamshi ya yadu cikin iska da sauri lokacin da aka fesa air freshener, yana barin dakin da kamshi mai dadi cikin kankanin lokaci. Baya ga hakan, ethanol na da kayan kashe kwayoyin cuta (antibacterial), wanda ke taimakawa wajen tsaftace iska da hana warin datti ko danshi. 

A karshe, yana kara ɗorewar kamshi a cikin kwalba da kuma bayan an fesa shi. Don haka, ethanol yana inganta fasalin air freshener ta fuskar hadewa, warware wari, yaduwar kamshi, da kuma kare lafiyar hadin.

• Methanol

Methanol, kamar ethanol ne shima, yana aiki a matsayin solvent a cikin hada air freshener, inda yake taimakawa wajen narkar da fragrance oils da sauran sinadarai domin su gauraya da ruwa cikin sauki. 

Yana da saurin bushewa, wanda ke ba da damar kamshi ya yadu da sauri a cikin iska bayan an fesa, kuma hakan yana sa kamshin ya zama mai karfi da kuma saurin shiga zuciya. 

Methanol kuma yana da antimicrobial properties, wato yana taimakawa wajen kashe wasu kwayoyin cuta da ke haddasa wari. Sai dai, sabanin ethanol, methanol yana da guba sosai idan aka sha ko kuma aka shaki mai yawa, don haka ana bukatar a yi amfani da shi da kulawa sosai tare da kiyaye amfanin sa bisa matakin lafiya.

• Turare

Turare a cikin air freshener, wanda ake kira fragrance oil ko scent, shi ne sinadarin da ke ba da kamshi mai dadi da ake so ya yadu a cikin daki, mota, ko ofis.

 Wannan turare yana da matukar muhimmanci domin shi ne ke jan hankalin masu amfani da air freshener. Ana samun turare iri-iri kamar na lavender, strawberry, lemon, vanilla, sandalwood, da sauransu, kuma za a zabi nau’in turaren da ya fi jan hankali ko ya dace da bukatar kwastomomi. 

Yawan turaren da za a zuba yana da matukar tasiri a karfin kamshin—idan ya yi yawa, zai iya zama mai karfi fiye da kima; idan ya yi kadan, kamshin zai yi rauni. Don haka, ana amfani da turare a daidai gwargwado domin a samar da kamshi mai kyau, mai dadin jiki, kuma mai dorewa.

• Texaphone/Sulphunic acid

Texaphone ko Sulphonic Acid yana da matukar amfani a cikin hada air freshener saboda yana aiki a matsayin surfactant wato sinadari da ke taimakawa wajen hade ruwa da mai (fragrance oil) cikin sauki ba tare da sun rabu ba. Wannan yana da matukar muhimmanci saboda yawanci sinadaran da ake amfani da su wajen hada air freshener ba su haduwa da ruwa kai tsaye. 

Texaphone yana rage danko kuma yana sa hadin ya zama laushi da daidaitacce, yana hana sinadaran su zama biyu (ruwa da mai su ware). Haka kuma, yana taimakawa wajen karfafa tsawon lokacin da kamshi ke dauka a cikin iska bayan an fesa. Baya ga haka, yana sa hadin ya yi santsi da kyau, wanda ke kara wa air freshener kyau da inganci.

 Duk da haka, ana bukatar amfani da texaphone daidai gwargwado, domin yawan amfani da shi na iya sa kumfa mai yawa ko wari mara dadi.

• Whitener

Whitener a cikin hada air freshener yana da amfani wajen bada launi ko haske ga hadin, musamman idan ana so turaren ya kasance da launi ko siffa mai kyau da kallo mai tsabta da kyau a cikin kwalba. Shi whitener yana taimakawa wajen kawar da duhun da wasu sinadarai ke kawowa, domin air freshener ɗin ya zama fari ko ruwan sanyi (milky appearance) maimakon ya zama mai duhu ko wani launi mara kyau. 

Wannan yana kara wa samfurin kawata da kyau wanda ke jawo hankalin kwastomomi musamman a kasuwa. Bugu da kari, whitener yana taimaka wa sinadaran su hade cikin daidaito, domin hana rabuwa ko warwarar sinadarai cikin kwalba bayan lokaci. Sai dai ana bukatar a yi amfani da shi cikin gwargwado domin kada ya hana warwarar kamshi ko ya kawo gurbatawa.

• Kala

Kala ba dole ba ce ana son ta gari wadda za’a jika ta a sa ana hada ta da ruwa ne a motse idan wasu suna kala amma wani lokacin rashin sa ta ma yafi mahimmanci saboda idan aka watsa ma farin abu idan akawi kala tana iya fitowa a ganta ta bata abun 

• Ruwa

Ruwa shi ne tushen hadin (base) a cikin yawancin nau’ikan air freshener, musamman na liquid spray, kuma yana daya daga cikin muhimman sinadarai da ke taimakawa wajen rarraba sauran sinadarai kamar turare, alcohol (ethanol/methanol), da texaphone cikin hadin yadda ya dace. Ruwa yana rage karfin sinadarai masu ƙarfi domin kada su yi illa ga fata ko hanci, yana kuma taimakawa wajen sauƙaƙa fesawa ta hanyar buta (sprayer).

 Ana amfani da ruwa mai tsafta sosai ko distilled water don kaucewa gurɓacewar hadin ko yaduwar kwayoyin cuta, saboda ruwa da ba shi da tsafta na iya sa sinadaran su lalace ko su rabu. Haka kuma, ruwa yana sa air freshener ya zama mai nauyin da ya dace (not too thick or heavy), domin ya iya fita daga buta cikin sauki, kuma ya bar kamshi mai dadi. Saboda haka, ruwa yana taka muhimmiyar rawa wajen daidaita, tsarkakewa, da saukaka amfani da air freshener.

To waddannan sinadaran da mu ka ambata sune ake amfani da su ana hada air freshner da su kuma zamu yi bayani akan yadda ake hada su su bada air freshner din

MATAKAN DA AKE BI HADIN SINADARAN SU BADA AIR FRESHNER

Zamu hada ta gallon daya ce wato liter 4 ke nan ga matakana da ake bi kamar haka 

Mataki na Farko 1

Samu roba wadda zata amshi 75cl rubber ruwan swann babba to samu wuri ko kwalbara da ta fita yadda za’ zuba sunadaran a ciki, za’a fara zuba Ethanol tare da turare a cikin kwalba daya a motsa.

Mataki na Biyu 2

Daga nan sai a zuba Methanol a cikin kwlbar da aka sa abubuwan mataki na farko a kara motsawa sai a kawo Texaphon/ Sulpunic Acid a motsa su a ciki tare 

Mataki na Ukku 3

Sai kuma a dauki wannan hadin da aka yi a zuba whitner a jijjiga ko a motsa su tare sosai idan kana da sha’awar sa kala sai a kada ta wuri dana ita ma a zuba a motsa tare

Mataki na Ukku 4

Bayan haka kuma sai ajuye wadannan kayan duka a cikin galan a cigaba da motsawa ko a jijjiga su tare.

Mataki na Biyar 5

Daga karshe an gama sai a samu robobi ko in ce kwalabe a zuba su tare robar mai abun fesawa a zuba a ciki. 

KARANTA:

SANA’AR INVITATION: YADDA AKE FARA SANA’AR DESIGN NA INVITATION

SABBIN DABARUN KASUWANCI: Yadda Matasa Zasu Fara Sana’a da KUDI (₦10,000–₦50,000)

Yadda Ake Hada Man Shafawa (Petroleum Jelly) da Hanyoyin Fara Sana’ar da Ƙaramin Jari

Kammalawa

Wannan shine yadda ake hada air freshner abunda ya rage ma mutum hada sticker da sauran abubuwan da zasu taimakawa kasuwancishi kamar su talla kullum yawan yi yana taimkawa sosai wajen kwarewa 

Author Profile

Ibrahim Buhari

IBRAHIM BUHARI Shahararren marubuci ne game da sana'oi, Digital Skills da sauransu shine kuma shugaban kamfanin HS Global Wato Shugaba a Wannan Website ta Hausawa Site

Latest entries

• KasuwanciJuly 31, 2025KASUWANCIN AIR FRESHNER: YADDA AKE HADA AIR FRESHNER
• KasuwanciJuly 28, 2025SANA’AR INVITATION: YADDA AKE FARA SANA’AR DESIGN NA INVITATION
• KasuwanciJuly 28, 2025SABBIN DABARUN KASUWANCI: Yadda Matasa Zasu Fara Sana’a da KUDI (₦10,000–₦50,000)
• TarihiJuly 17, 2025Tarihin Bayajidda: Asalin Hausawa da Farkon Sarauta a Arewa